Den framande byen : ein roman om Wilhelm Reich

I romanen Den framande byen teiknar Lars Amund Vaage eit portrett av den omstridde psykologen Wilhelm Reich. Forteljaren ligg tett opp til Reich sjølv, og Vaage gir oss eit innblikk i det allmenne så vel som det heilt spesielle ved denne komplekse og fascinerande mannen. Hovuddelen av romanen går føre seg i Noreg under den første delen av Reichs opphald i 1934. Her blir venskapen hans med Sigurd Hoel skildra, og samarbeid og kontroversar med andre sentrale personar i det norske kulturelle miljøet. Romanen gir også glimt frå Reichs barndom og oppvekst i Bukovina, studietida i Wien og forholdet til Freud.