Ein dag bestemmer det vesle Flekkmonsteret seg for Ä byggje ei harefelle. Han gÄr frÄ den vesle mosehytta si pÄ fjellet til biblioteket i bygda for Ä finne ut korleis ein kan lage ei harefelle. Flekkmonsteret er kjÞtsvolten, og no gler han seg til Ä setje tennene i ein mÞr og saftig hare. Fella fungerer pÄ eit vis, snart har det eine dyret etter det andre falle i fella, unnateke haren. Faktisk er dei ein heil gjeng samla til slutt, der nede i gropa i bakken. Men korleis skal dei no kome seg opp?