PÄ ein togperrong ein stad i Gudbrandsdalen stÄr Dagny og ventar pÄ sÞster si, Tea. Alle fÞlgjer med dei, alle veit at det er tyskertÞsa som kjem. Krigen kastar skugge over freden, bÄde for dei som har vore pÄ rett side og dei som var landssvikarar. Somme slepp unna straff, andre fÄr svi i det uendelege. Det handlar om Ä glÞyme og gÄ vidare, eller hugse og hemne. Og bygdedyret lever sitt eige infame liv, uavhengig av krig og fred. Krigens skugge er den andre boka i den kritikarroste krigstrilogien om sÞstrene Vik.