Eigetlech isches soule odr bluse wasi da
Mache auso Soul odr Blues uangeri sÀge
Das sige ganz nöiji Poesieforme wi Slam
Poetry odr Poetry Slam abr i jammere ja
Eifach nume vormi hÀre u muesmi nid achte
Ob das de LĂŒt gfaut odr nid sisch eifach
Mi Musig wedr vrschtöht wasi meine sisch
Nume mini eigeti Musig wo hie abgeit
U zwar vo zvorderscht bis zhingerscht
Uni muesmi drwĂ€ge bi niemerem drfĂŒr
Entschuldige uni mues bi nemerem ge
BittibĂ€tti mache wi das schĂŒsch aube
Ăeblech isch bide arme Schriftschteuer
Wo mĂŒesse iz Syschtem passe wĂŒu
SchĂŒsch sisi nĂ€mlech grad dusse ud
Kunscht isch Ă€ndgĂŒutig am Bode
Zerschtört ud Politik het so Àntlech
Gwunne u het Ă€ntlech iri Rueh wĂŒune
Niemr meh az Bei bislet u niemr brucht no
Di blödi Kunscht wo lengschtns iz Museum
Ghört fĂŒr was schĂŒsch o fĂŒr was sött Ă€ch
Die no guet si mir hei jano zFernsee dert
Hez auergattig drinn aues wode wosch u
Aues wode bruchsch u wode muesch ha
Meh aus das bruchz wÀgr nid u mir si
Lengschtens zfride drmit