Bidaia labur eta biziak proposatzen dizkigu Cillerok ipuin-liburu honetan. Underground kutsuko bidaiak zinema irudiz beteak. Badute infernurako harako jaitsiera ospetsu harekin zerikusia: nork bere baitara egindako bidaia da, nork bere baitako eskaileretan behera egitekoa, ezezagunaren atarian jartzen gaituena. 29 ipuin ageri dira Hollywood eta biok liburuan, Bilbon, EEBBetan, Baionan eta beste hainbat lekutan kokatuak; beste hainbat leku, eta bakarra, finean: literaturaren erdigunea.