Døden kjem med bussen: kriminalroman

Ein buss med ein død passasjer om bord kjem til Vågå. I Lom stig ei mystisk kvinne av ein annan buss. Fleire i bygda døyr ein brutal, brå død. Lensmann Sylfest Seljestad og betjent Jørgen Vold må løyse ei vanskeleg sak som har djupe røter i fortida. Da Kroken & Kolden debuterte i 2011 med Evig skal døden vera, blei boka utpeikt til vårens beste norske krim av Dagbladet. No er duoen tilbake med eit nytt mordmysterium. Er det noko eg hatar her i verda, så er det Lom, sa ho. Og nei, eg har aldri sett mine bein på den forbanna plassen att. Men gud kor eg har fantasert om å dra oppover og gjera kål på ein og annan. Det var verkeleg reint hat som sildra ut mellom leppene hennar. Ho såg på meg, blikket var fullt av forakt. Mange gonger etterpå har eg tenkt: Det var fortida som innhenta oss. Hevnen. Døden. Ja, det var døden som kom.