Seksten

I novella «Seksten» treffer vi Ingrid. Det er laurdagskveld, og dagen etter fyller ho seksten år. Ho bur i ein dal og har ein storesyster som har fått seg kjæraste og har forsvunne frå livet hennar. Ingrid har nettopp kome heim att frå hytta på Hvaler, der ho forelska seg i engelske Matthew. Ho skreiv eit brev til han før ho drog frå hytta. Men vil han kontakte henne? Dette skjer på 1990-talet - før iPhonen si tid, da alt slikt som heitte forelsking var mykje meir spennande og ventinga var ulideleg.